O Club Compostela Fútbol Gaélico nace co claro obxectivo de cubrir as carencias e necesidades relacionadas coa práctica do noso deporte tanto na cidade de Santiago como na súa comarca. Temos como obxectivo converternos nun referente no noso país, e continuar coa expansión do movemento iniciado polos Fillos de Breogán da Coruña e continuado polos Ártabros de Oleiros, Irmandinhos da Estrada, Mecos de Ogrobe e Pontevedra.