Por acordo da xunta directiva, creouse en 2011 un novo equipo en Oleiros con filiación cos Fillos de Breogán. O escudo, elixido por votación, foi deseñado tendo en conta o novo nome do club e tomando como referencia o blasón da vila da bisbarra das Mariñas. A xunta directiva decidiu por maioría simple nomea-lo novo equipo irmán como Ártabros de Oleiros. Os seus integrantes serán convocados polo adestrador dos Fillos de Breogán, Carlos Seco, que tamén o será deste novo equipo, compaxinando o seu traballo con Bruno Domínguez, adestrador habitual dos Ártabros. Ártabros de Oleiros é o segundo equipo masculino galego en participar no Campionato Ibérico de fútbol gaélico, pois debutou no 2012. A cor coa que compite o equipo oleirense é o negro. Viste camisola negra, pantalón azul e medias azuis. Os patrocinadores deste equipo son Cervecería Canosa, Fran Carreira Arquitectura e Tamisa. A súa estrea foi nun partido amigable Torre de Hércules fronte A Coruña Fillos de Breogán, a McEvoy Cup, o 12 de novembro de 2011, un derbi coruñés de fútbol gaélico a sete, en honra do noso directivo e valedor dos xogos gaélicos Seánie McEvoy.